Ukraine nula, Australian Open main draw a tling tura qualifier khelh ngai Dayana Yastremska chuan mi tam tak barakhaihin Australian Open quarter-final a lut a, Victoria Azarenka a barakhaih.
Kum 23 mi Yastremska hian Grand Slam title vawi hnih la tawh Azarenka lakah hian 7-6 (8-6) 6-4 in hnehna a chang a. Grand Slam tournament-ah a vawikhatna atan quarter-final a khel dawn.
World rankings a number 93 ni lai Yastremska hian qualifying match vawi thum a khelh a ngai a, main draw-ah round hmasa berah seeded number 7 leh Wimbledon champion lai Marketa Vondrousova chu a hneh nghal a ni.
A hnampui leh che tha tura rinkai Elina Svitolina erawh a hmachhawn thei dawn lova, kum 29 mi hian Linda Noskova a hmachhawn laiin hnungzang hliam avangin a khel chhunzawm thei lo.