National Voters’ Day vawi 14 na, kumin January ni 25 a hman tur denchhenin nimin khan Aizawl district chhunga High School leh Higher Secondary School thlan bika zirlaite tan Essay inziahsiak leh lemziaka inelna Govt. Mizo High School-ah buatsaih a ni a. He inelna hi Aizawl Bawrhsap kaihhruainaa District Education Office leh a kaihhnawih department dang te telna committee-in a buatsaih a ni.
Aizawl Bawrhsap Nazuk Kumar chuan intihsiakna hmun hi tlaw- hin, he intihsiakna hian zirlai vote nei thei tep tawh te zingah mipui thlan, ram rorelna rop- uina leh mipui mawhphurhna an thinlunga tuh chu a tum lian tak pakhat a nih thu a sawi.
He intihsiaknaah Hi- gh School leh Higher Secondary School pa- ruk ve ve atangin zirlai 96 an tel a. Essay inziahsiakah High School zirlai te tan ‘Importance of Voting for stronger democracy’ tih thupui hman niin, Higher Secondary School zirlaite tan ‘No voter to be left behind’ tih thupui hman a ni thung a. Lemziaka inelnaah High School leh Higher Secondary School zirlai thliar a ni lova, ‘Nothing like Voting, I vote for sure’ tih thupui hman a ni.
Mizoram district dangah pawh National Voters’ Day pual hian zirlaite tana inelna hi buatsaih a ni a. Voter’s Day-a State pum huapa inkhawm buatsaihah result puana lawmman a sem a ni ang. Lawmman pakhatna in cheng sang nga, pahnihnain cheng sangthum, path- umnain cheng sanghnih an dawng dawn a ni.