Khawzawl District Level Committee on Fire Prevention chu nimin khan Bawrhsap K. Lalrohlua hovin an thukhawm a. Kangmei venna hapta hman dan tur te, Lo hal hun bithliah chung- chang te, kangmei ven kawnga mipui zirtirna pek dan tur te, State leh District Level Fire Prevention Award chung- chang te bakah District chhunga kangmei ven lama inelna endiktu tur chungchang te an sawiho.
Bawrhsap chuan Kangmei venna hapta February ni 5–9, 2024 inkara neih tur chu inhrilhriat tharna chauh a ni tih mitin ten an hriat tlan a tul thu a sawi a. “Mizoram bak chu ram dang kan nei lo” tiin, “thing leh mau, nungcha te humhalh kawngah inzirtirna tha zawk kan mamawh takzet a ni”, a ti.
Khawzawl chu District fai bera thlan a nih tawh thu sawiin Bawr- hsap chuan kangmei ven kawngah te, ramsa, nungcha, thing leh mau, leh luidung sang- ha humhalh kawngah pawh Mizorama titha ber ni tura tanlak a tul thu a sawi a. Kangmei tichhuak emaw ramsa humhalhte tichereu zawnga che apiangte chu Bawrhsap hnenah emaw Khawzawl Wildlife Division hotute hnenah hrilhhre turin mipuite a ngen.
Committee hian Ka- ngmei ven hapta haw- nna programme chu February ni 5, 2024 chawhma dar 11 ah Khawzawl Electric Ve- ng YMA Hall-a neih turin an ti a. Addl. DC Lalfakzuala chu he hap- ta hawng turin an ruat.
Lo hal hun bithliah chungchangah Committee chuan State Level Sub-Committee on Fire Prevention-in a lo rel tawh angin March ni 15 aia tlai lo ah lo hal vek tura hriattirna siam ni se, an ti a. District chhunga VC te theh loh ram (mahni huan lo ram vat etc) te chuan February thla chhunga hal vek ni se, an ti.
Kangmei ven kaw- nga inzirtirna pawh pri- nt, audio, visual leh social media kaltlanga neih ni se, an ti a. Kh- awzawl District chhun- ga Office zawng zawng ten Kangmei ven hapta pualin thutiam lakna hun February ni 5, 2024 chawhma dar 11 ah neih ni se, an ti.
Kangmei ven kawnga hma la tha khua pathum te hnenah District Level Fire Prevention Award hlan ni se, an ti a. Award dawngtu tur thlang turin ‘Monitoring Committee’ an din nghal. Khawzawl District chhunga khaw tin te chu ram pum huap ‘ State Level Fire Prevention Award’ pawh dawn theih tum turin Khawzawl District Level Committee on Fire Prevention chuan a ngen a ni.