First leg-ah tlawm mahse an mualah Chelsea in an mikhual Middlesbrough an sawp a, goal ruk khungin 6-2 aggregate in Carabao Cup final an inhlangkai.
Thawhlehni zanah English Football League Cup, sponsorship avanga Carabao Cup tia an vuah semi-final return leg hi khelh a ni a. First leg-ah 1-0 in Championship club hi an chak tawh avangin beiseina an nei.
Mahse an beisei angin inkhel a kal lova, Chelsea an hlauhawm viau a, first half-ah vawi li lai goal an khung.
Blues in minute 15-naah an si phurh sutgin Ben Chilwell ball pek tha kal zel atangin Boro captain Howson chuan an lamah a ti lut palh a. Minute 29-naah Raheem Sterling leh Axel Disasi te thawhrah sengin Enzo Fernandez-a’n an goal hnihna a khung a. Disasi leh Cole Palmer ten first half-ah hian goal an khung belh.
Second half-ah Palmer leh Nonu Madueke ten goal khung leh bawkin Chelsea in February 25-ah Wembley Stadium an pan dawn a. Liverpool leh Fulham inkhel a chak zawk an hmachhawn leh ang.
Chelsea manager Mauricio Pochettino chuan England-ah trophy lak ngei a duh thu a sawi a. ‘Helai hmunah hian title lak ngei ka duh. Paris-ah kum khat leh a chanve chhungin trophy pathum ka la thei a, helaiah hian vawi khat tal champion hi ka duh a ni.” a ti.