Republic Day, 2024 puala Chess Tournament buatsaih 2nd DC Trophy Chess Championship chu ni- min khan Champhai Bawrhsap James Lalrinchhana’n Vanlallaw- ma Indoor Stadium (VANIS), Kahrawt Champhai-ah a hawng.
Champhai Bawrh- sap chuan nikum lamah DC Trophy Chess Tournament hmasaber hlawhtling taka buatsaih a lo nih tawh thu sawiin, a tum hnihna huaihawt leh theih a ni chu lawmawm a tih thu a sawi a. Champhai District Chess Association (CDCA) hruaitute leh player tel zawng zawngte lawmthu a hrilh.
Champhai District-ah hmasawnna daih rei leh tlo a awm theihna turin zirna, faina, hri- selna leh sports lama hmasawn chu thil pawimawh hmasaber te an nih thu Bawrhsap chuan a sawi a. Chess game khel turin rilru leh taksa hrisel neih a tul thu leh inthununna tha tak leh nun kawng hrisel vawn a pawimawh thu pawh sawiin, DC Trophy Chess Championship chuan thalaite rilru leh an hriselnaah te nghawng tha tak a neih ngei a beisei thu a sawi.
Champhai District-ah chess game chawilar zel a pawimawh thu sawiin, ruihhlo leh hun awl hman that loh nain thalaite a tih buai mek karah rilru leh taksa hriselna pe theitu chess game ngaihven tura hnuhluh a tul thu Bawrhsap chuan a sawi a. 2nd DC Trophy Chess Championship huaihawttute leh player tel zawng zawngte duhsakna a hlan a ni.
2nd DC Trophy Chess Championship hi Champhai District Chess Association (CDCA) leh Cha- mphai Bawrhsap Office tangka- wp buatsaih niin, vawi- in thleng a awh dawn a. He tournament-ah hian mi 24 (mipa – 23 leh hmeichhia -1) telin, 1st Prize – Rs.7000/-, 2nd Prize – Rs. 5000/-, 3rd Prize – Rs. 3000/-, 4th Prize – Rs.2000/-, 5th Prize – Rs. 1000/- leh 6th – 10th Prize – Rs.500/- te ni. Lawmman pakhatna atanga pathumna te chu Republic Day lawmna-ah sem a ni ang.