Combat sports chanchin a hmeichhe hlawhtling berte zing ami pahnih an inhmachhawn dawn a, UFC 300-ah Holly Holm leh Kayla Harrison te an intum dawn.
Mixed martial arts inelna lian Ultimate Fighting Championship chuan tunlaia fighter ngaihven hlawh ber zing ami Harrison hi an lalut tih CEO Dana White chuan a puang.
Judo a Olympic gold medal vawi hnih la tawh leh Professional Fighters League a vawi hnih champion tawh kum 33 mi hian bantamweight-ah inelna a hmachhawn dawn.
16-1 MMA record nei Harrison hian kum 2018 khan professional MMA ah inlan tanin PFL hnuaiah chauh a la inel thin.
A khingpui tur kum 42 mi Holm hi UFC leh boxing a hun lo hmang hrep tawh a ni a. UFC champion a nih tawh bakah boxing champion pawh a ni tawh.
Combat sports a chawlhsan hma in vawikhat UFC champion nih tumin a bei leh dawn.