Zangnadawmna dawng tawh, la insenghawilo te thu pe nawn

National Highway 54 kawngpui sial hnathawh mekah Zobawk khuaa zangnadawmna dawng tawh, tun thlenga an chenna In la thiat duh lo leh insenghawi duhlote chu nimin khan District thuneitu ten insenghawi turin an hriattir nawn leh a. Tun bak chu ngaihdamna a awm loh tur thu an hrilh.

NH 54 kawngpui sial hna thawhin an chenna In a sut chhiat dawn avanga zangnadawmna la tawh zingah, an chenna In thiahna tur thupek pek tawh, tun thlenga an chenna In la thiat duh lo leh insenghawi duh lo mi 31 te chu Lunglei District Competent Authority for Land Acquisition (CALA) aiawh- in– Addl DC Donny Lalruatsanga leh Settlement Officer Vanlalrova ten nimin khan an endik a, insenghawi tawh leh insenghawi mek te chu a tam zawk ni mahse, thupek pawisa lo mi tlem te la awmin, chung mi te chu District thuneitute chuan an chenna In ah an kal chilh a. Harsatna an neih te zawtfiahin, hun pek belh theih an nih tawh loh thu an hrilh a ni.

Zangnadawmna la tawh, an In leh lo thiat tura hriattirna dawng tawh te chu Zobawk North-ah mi 16 leh Zo- bawk South-ah mi 15; an vaiin mi 31 an ni.

Lunglei District thu- neitute chuan NH54 kawngpui sial hnathaw- ktu NHIDCL te chu Prime Minister Office chuan kumin March thla ral hma ngeia kaw- ngpui sial hna thawk zo tura a hriattir avangin, NHIDCL te chuan har- satna an tawhte Prime Minister Office-ah an thlen niin sawrkar thu- chhuah chuan a tarlang.

Zangnadawmna an dawn zata lungawilo, District thuneitute hne- na zualko te chu an din- hmun ennawn sak vek an ni tawh a, an zual- kona te chu a hlawmin NHIDCL hnenah an thehlut dawn a ni.

Compensation channel pangaia kal chuan an tlai tawh dawn avangin NHIDCL chuan compensation aiah Direct purch- ase a kalpui an remti tawh a, hemi atana bawhzui ngai thil te chu a concern dept. te, NHIDCL te leh compensation diltu te nen inberawn zel chungin chak taka bawhzui ngai te chu bawhzui mek a ni tih sawrkar thuchhuah chuan a tarlang bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427