Brazil ram chhimchhak lamah tun hnaiah ruah nasa takin a sur a, mi 11 vel an thi tawh a, an zingah hian naupang 2 an tel nghe nghe.
Civil Defense thuneitute chuan ni thum vel liam ta ataga ruah tam tham tak sur avang hian Minas Gerais state-ah chuan thite bakah mi 7-in hliam an tuar tih an sawi a, Mi 16 zet an chin hriat lohva an la awm thu a sawi a, mi 2,500 zetin chenna in an neih loh phah mek tih an sawi bawk.
Ruah sur avang hian lei nasa takin a min a, chenna in tam tak a chhe bawk.
Nikum pawh khan Minas Gerais state-ah tho hian ruah nasa taka a sur hnuah tuikhuah lian tak a chim a, mi 270 zet an lo thih phah tawh bawk.