- Dr. C. Lalrampana
A KAMKÊUNA
Lemchan (drama) hi thiltih leh thusawi hmanga thawnthu sawina leh dawhsana inlan (stage play), movie, television production, tone emaw thupui bik (subject) nei emaw serious tak nei.dramatic art, literature, emaw thil thleng emaw chungchang chetzia hmanga tihlana lem channa a ni. Drama hi chihrang pali a awm a, chungte chu lemchan thawnthu mi tihlim thei (comedy), thawnthu runthlak, lungngaihthlak (tragedy), tragicomedy leh lemchan thin thawng (melodrama)-te a ni. Tun hma ngaihtuah chuan Mizote hian lemchan hi kan thiam tawh hle a, kan lemchan pawhin rilru a khawihin awmze thuk tak tak neite a ni hlawm a, hma kan sawn chak hle a, alawmawm takzet a ni. Amaherawhchu, hetih lai hian a taka lemchanna tha lo tak lemchan nun chihrang hrang thalo tak tak kan chan thin avangin Mizoram leh hnam a mualpho mek a ni. Chung kan lemchan nunte chu a malte tein I lo thlir teh ang;
DOCUMENT LEM
Document lem chu identity document official taka siam leh hriatchhuah loh a ni.
Document lem hi chi hrang hrangin a lo thleng thei a, chu chu a hmanna (use case) a zirin a ni. Entirnan, mi bumtu chuan dan lova loan chihrang hrang dilnaa hman tur driver’s license emaw Social Security card lem a siam thei a ni. Hetiang kawngah hian kan rinawm lo hle a, birth certificate lem, ration card lem, driving license lem, zirna certificate lem, pawisa lem, ILP lem, passport lem, affidavit lem, LSC lem, election ID lem, official letter lem, PR lem, TC lem, income certificate lem, training certificate lem, company lem, work order lem, silai license lem, lirthei document lem, Motor LIC lem, Air pollution Certificates lem, lirthei number plate lem, trade license lem etc. sawi tur a van tam tehlul êm ! Heng tarlante bak pawh hi lemchanna tam tak a la awm thei.
SUMDAWNG LEM
Sumdawng lemchanna phei hi chu trade & commerce leh industry department kaihhnawih a ni ngei ang. Kum engemawti kal ta atang khan CYMA, MZP leh MSU-ten kumtin Aizawl khawpui leh district khawpui hrang hrangahte uluk takin an zawng chhuak thin. Hetiang lemchanna hi mizo hnam mualphona leh inchimralna thlentu a nih avangin Sim vat chi a ni. Sumdawng dawrkai chihrang hrangte zingah mahni hming leh trade license hnamdangte hnena commission-a hmantir ching, sumdawng dawrkai lem engemawzat an awm thin. Hei hi hnam inchimralna awlsam tak a ni. Bengali/Marwari sumdawng hausahovin Cachari-ho an chimral nachhan ber pawh hetiang sumdawnna tha lo tak vang hi a ni. Abikin Iron rod & Cement dawrahte a tam bik a, thil dang zawrhna dawr hrang hrangah pawh a awm thei. Commission eia hetianga tih ching hian anmahniin sumdawnna hi an kalpui thei lo a nih pawhin ram hmangaihna avang tal pawhin mahni Mizo puiah commission mai thin se a him ber ang. Hnamdang hnenah kher kher hetiang hi an tih thin avangin sumdawnna avanga hnam inchimralna (assimilation) hlauhawm tak a thleng thei a ni. Chuvangin, hetianga sumdawng lemchang hi Mizo zingah an la awm em tih uluk zawka zawn chhuah zel a la pawimawh ang.
KRISTIAN LEM
Kum 1894 khan Arthington Aborigines Mission-a English Baptist missionary pahnih J.H. Lorrain leh F.W. Savidge-a te chu Lushai Hills (tuna Mizoram)-ah an lo chhuak a, Mission hna an thawk tan a . Zirna leh sakhaw thar a lo luh khan Kristian sakhua chuan kan thlirna leh Mizo khawvel thlirna a thlak danglam ta a, kristian kan lo ni chho ta zel a ni. Kristian kan nih hnuah kum 129 zet a kal mek ta; Kristian tam lamah pawh India ram pumah pahnihna dinhmun hauhin zaa 87.16% kan ni. Hetiang taka kristian tamnaah hian kristian lem kan tam em em a, entir nan-rawngbawltu lem, kohhran upa lem, evangelist lem , missionary lem, pastor lem,, puithiam lem, zawlnei lem, mipui zingah pawh kristian lem, lemchang nun kan tam hle. Kristian ni chunga kan lemchanna langsar takte chu kan hnathawhna hmun hrang hrangah te, kan sumdawnna kawngah te, program chihfrang hrang kan hmanna hmunah te, kan inkhawmna biak in thleng pawhin takna leh dikna hian kan nunah hmun a chang tawh meuh lo a tih theih hial awm e. Ringtu kal hmasate kha chuan sual thlemna an tawk thin a, an tawh changin theih tawpin an lo hmachhawn thin. Tunah erawh chuan thlemna hian min bei lova, keimahnin sual hi kan thlemin, kan lo kuangkuah zawk ni berin a lang. Kristian chartin aiin Hindu chartin a dik zawk a, cubic lung teh tling a awm lova, balu, rawra buk tling a awm lova, khawizu dik a vang a, bawnghnute dal, shillong aieng, ghiu pawlh dal, buhban fai dazat, anhnah thlai chawhmeh tel then tet, LP Gas buk tling lo, buhfai buk tling lo, bawngsa, vawksa, kelsa leh arsa buk tling lo, tling lo nun hlir mai a ni. Sawi tur tam tak a awm. Heng nundan dik lo tak kristian ni chunga kan kalpui reng hi kristian lemchan nun dik tak a ni. Kan sim vat a hun tawh hle
A TLANGKAWMNA
Lemchan nun chihrang hrang kan hre ta, a taka kan tawn mek vek a ni. Heng lehkha document lem ngat phei hi chu sual lian tak a ni. IPC Section 468-ah phei chuan “Bumna atana thil dik lo siam. Previous Next 1 (document emaw electronic record forged) chu bumna atana hman tumna neia thil dik lo titu chu kum sarih thlenga rei lungin tantir a ni ang a, pawisa chawitir theih a ni bawk ang.” tih a ni. USA-a FBI agent pension tawh Allen Ezell-a thusawi, Eaton leh Carmichael-ten an tarlan dan chuan American mi nuai sarih (700,000) vel chu diploma mill leh university lem-a customer an nih thu an sawi. Nikum 2023 June thla khan Surat-ah Govt document lem siamna hmanrua hmuh chhuah a ni.Surat khawpui police-te Special Operations Group (SOG) leh Prevention of Crime Branch (PCB)-te chuan Puna area-a document lem siamtu pawl pakhat chu an man a, mi panga an man tel bawk. Police-te chuan he gang hian Bangladesh mite chu an document lem siamin an pui niin an ring. Police-te chuan dawr pakhatin document pakhatah Rs 1,500 atanga Rs 3,000 vel chawi chungin document lem a siam tih hriattirna an dawng a ni. Tichuan SOG leh PCB-te chuan an thu hriatte chu an finfiah a, Puna-a Umarvada-a dawr, AK Mobile chu an dap ta a ni. Tin, Surat-ah bawk hian sept. 2023 thla tir khan India rama private bank lian ber nena cheng nuai 92 an bumna report a nih avangin police-te chuan Indian identity tilangtu document lem print leh hralhna racket lian tak an nei a ni. Khawpui police-te economic offenses cell chuan oil tha tak racket hi an man a, mi pahnih an man tel a, pakhat chu Rajasthan atanga lo kal niin, pakhat chu Uttar Pradesh atanga lo kal a ni a, heng document-te hi Rs 15-Rs 50 vel chawiin an siam a ni. Preliminary investigation-ah chuan Indian identity tilangtu document lem nuai hnih tal chu cheng 15 atanga Rs 50 thlenga petty-a siam a ni tih hmuhchhuah a ni a, a neitu nia puh, Rajasthan-a cheng Somnath Pramod Kumar leh UP-a cheng Premveer Singh Thakur-te chu economic offenses cell sleuths-te’n chipchiar taka an sawi hnuah an man a, technical surveillance hmanga enkawl a ni. “Document lem print leh hralh hi mi tenawm takte hman theih a nih avangin ram venhimna atan hlauhawm tak a ni,” tiin senior police official chuan a sawi.
He pawikhawihna hi a len tham em avangin assistant commissioner of police (ACP) Veerjeetsin kutah hlan a ni. Hetianga lemchan nun turu takte pawh h kan hlat vak bik lo mai thei. Sorkar hna thenkhat lakah pawh document lem man a awm ta fo mai! Chuvangin, lemchan nun chihrang hrang kristian ni chunga kan zakzeh reng hi sim theuh ila kan Zoram hi a nuam a ni mai. Ngun taka kan inngaihttuah a hun ta takzet e.