Bayern Munich in inhliam avangin an squad-ah player chhawr theih nei tlem mahse hnehna an chang thei thova, Augsburg tlawhin 3-2 in hnehna an chang a, Bundesliga hmahruaitu Bayer Leverkusen hmahruaina chu point hnihah an ti hniam.
WWK Arena a inkhelah hian Bayern Munich in hliam leh ram tana inkhelh avangin first team player pakua an chhawr thei lova. Heng zingah hian Konrad Laimer, Joshua Kimmich leh Dayot Upamecano te pawh an tel.
First half-ah kum 19 mi Aleksandar Pavlovic leh Alphonso Davies ten goal an khung a, second halfah Harry Kane chuan an goal thumna a khung. Augsburh in Ermedin Demirovic hmangin goal khat an khung hnuah inkhel tawp dawn lamah penalty tum hnih an hmu a. Sven Michel chuan khung lo mahse Demirovic-a’n an goal hnihna tur a khung.