Real Madrid in La Liga a hmahruaitu ni leh turin huntawp dawn lamah midfielder Aurélien Tchouaméni hmangin chakna goal an khung a, Las Palmas lakah 2-1 a ‘comeback’ hnehna changin league hmahruaitu thar an ni.
Inrinni zana Estadio Gran Canaria a inkhelah hian Real in first half-ah hlauhawm siam an harsat a, midfielder rinrawl Jude Bellingham a awm loh avangin an goal nawr a la na tawk thin lo.
Las Palmas tlarhnung in Vinicius Junior leh Rodrygo te an veng tha viau a, minute 53-naah Javi Munoz hmangin goal an khung hmasa zawk.
Hei hian second half-ah Real kaithovin Vinicius-a’n minute 64-naah Eduardo Camavinga ball pek fing chu goal-ah a khung a. A tawp thleng chakna goal neih ngei tuma an nawr hnuah Carlos Ancelotti pawlte an hlawhtling.
Real coach chuan, “Bench ah inkhel thlak danglam thei tura phurna lian tak nei player kawl hi thil tangkai a ni. Kan ralthuam pakhat a ni a, kan bench ka thlir hian player tha thlan tur kan ngah a ni.” tiin a sawi.