Aizawl : Aizawl North III bialtu MLA, Home Minister K. Sapdanga’n Inrinni khan a bial chhunga Chanmari West Local Council House-ah a bial chhung mipui tan interview hun a hawng.
Chawhma lamah Electric Veng, Zarkawt leh Chanmari veng tan hun hawn a ni a, chawhnu lamah Chanmari West, Hunthar leh Edenthar veng te tan hun hawn a ni thung. Bial chhung veng hrang hrang Local Council leh NGO te bakah mimal te pawhin bialtu MLA hnenah hian tul leh pawimawh te an thlen a ni.
Bial mipui office dawr harsa tak tak te tan pawh bial chhung ngeia bialtu MLA dawr theihna hun hawn chu zawngchhang tlak hle ah an ngai nia thudawn a ni a. A theih anga tam tih chhunzawm zel tura ruahmanna siam nia thudawn a ni bawk.