America a infiamna lian ber leh ngainat hlawh ber American football inelna lian National Football League season hmawrbawk a hnai a, champion nih inchuh turin champion lai Kansas City Chiefs leh San Francisco 49ers te Super Bowl LVIII-ah an intum dawn.
Kumin Super Bowl hi Nevada a Allegiant Stadium-ah neih a ni dawn a. Chiefs hian AFC Championship Game-ah regular season a che tha ber leh champion mai tura rin hlawh tak Baltimore Ravens chu 17-10 in an hneh.
NFC Championship lamah 49ers in Detroit Lions chu 34-31 in an hneh a, point 17 a an hniam zawk hnuah an comeback leh a ni.
Chiefs leh Niners hi kum 2020 khan Super Bowl-ah hian intawng tawkin Chiefs hi 31-20 in an chak tawh a ni.
Vawi thum champion tawh Chiefs hi tunhnaia NFL thununtu team an ni a, kum nga chhunga Super Bowl an khelh tum li na a ni dawn a, February 11 ah an chak a nih chuan a zawnin an champion dawn tihna a ni.
Niners hi vawi nga an champion tawh thung.