United States khawthlang lam ram laili bawr chu tun lai hian vur a sur nasa hle a, khawsak phung pawh a buai phah hle a. America-a khawpui lian ber 3-na, Chicago-ah pawh thlawhna tumhmun pahnihah thlawhna thlawk tur 1,000 chuang zet chu an zin tur thulhtir an ni.
Tun tuma vur nasa taka sur hi Arctic-a boruak vawt puakkeh, polar vortex an tih mai avanga awm a ni a, state 12 vel a tuam mek a, khua a tivawt thar hle a, hmun tam takah chuan 0°C aia hniam a ni hlawm.
National Weather Service huan nimin leh vawiin hian khua hi a vawt lehzual dawn niin an sawi a, thli vawt leh ro tak a tleh tel dawn bawk niin an sawi.
Minnesota leh Wisconsin-ah chuan sikul, university, sorkar pisa leh sumdawnna hmun hrang hrangte chu an khar hlawm a, khaw vawh lam hi -40°C vel a ni.
Minnesota-ah hian khawpui tam takah ‘snow emergency’ an puang niin tualchhung chanchinbute chuan an sawi a. Wisconsin-ah pawh Governor Tony Evers chuan emergency a puang a, Wisconsin National Guard chu rikrum thil a thlen palha che chhuak thei reng turin a hriattir.