Aizawl: Chief Minister Lalduhoma’n nimin khan Mizoram Bamboo Industries Association hruaitute kawmin, an hmalak dan te, harsatna an tawh mek leh hmalak dan tha zawk nia an hriatte a sawipui.
Mizoram Bamboo Industries Association hruaitute chuan chief minister hnenah Mizoram mau a hauva hralh chhuah tawh rih loh tha an tih thu te, Rawthing a rawn tam leh hunah harsatna an tawh phah loh nan a chin pun leh thuaina tur ngaihtuah tul an tih thute, Mau policy thar siam an duh thu leh thil dangte an thlen a ni.
Chief Minister hian, an thu thlente chu a mi mal tak pawhin a tuipui em em vek tih a hrilh a. Sorkarin theihtawp chhuahin a ngaihtuah chho zel dawn tih sawiin, pawl anga an harsatna te, industry malin harsatna an tawh te pawh fel taka ziaka a hnena thlen turin a chah a ni.
“Entreprenuer-te lo tanpui che u hi sorkarin kan duh ber a ni a, sorkar tel lo pawhin thui takin in kal thei a, sorkar nena thui zawka in kal theih nan in mamawh belh te lo ngaihtuahsak che u hi kan tum dawn a ni,” a ti.