Formula 1 a Red Bull team te zawk RB Formula One team chuan tun season lo awm tur atana an inbuatsaihnaah an team inenkawl dan an siksawi a, team mi leh sa thlak danglam in mi pathum an lalut.
Season liamta a Scuderia AlphaTauri tia hming vuah team hian tun season atangin Racing Bulls F1 Team tiin an hming an thlak.
Kar hmasa khan McLaren technical director hlui Tim Goss chu chief technical officer atan an lalut a. Nikum a Renault in an chhuahtir Alan Permane chu racing director atan lalutin Red Bull senior team a awm Guillaume Catellani chu deputy technical director a ni thung dawn.
RB F1 team principal thar Laurent Mekies chuan, “Tim, Guillaume leh Alan te hian hlawhtlinna kan neihna tur kawngah tawnhriat tam tak an lo keng tel a, F1 bikah hma kan sawn zelna tura mi tangkai an ni dawn. Team tha tak kan nei tawh a, anni anga thiamna kan neih belh hi a hlu lehzual ang.” a ti.
RB F1 hian February 8 hian tun season a car an hman tur an tlangzarh ang.