Aizawl : Samagra Shiksha, Kolasib District-in I&PR Conference Hall, Kolasib-ah nimin khan Quiz Competition for Elementary Class (clas 6-8) an buatsaih.
Kolasib District Project Coordinator (DPC), Samagra Shiksha K. Lalsiamliani’n zirlaite fuihna thu sawiin, quiz competition chu a hawng a. Quiz competition-ah Kolasib District chhunga zirna in thlan bik pasarih – Chanmari UPS, Kawnpui; St Maria Gorettis School; Govt TS Luaia MS; LTM UPS; Presbyterian English School, Kolasib; Govt Diakkawn MS leh Govt MS Kolasib te an tel.
Quiz Competition for Elementary Class-ah hian St Maria Gorettis School chu pakhatna niin, pahnihna Chanmari UPS, Kawnpui leh pathumna Presbyterian English School, Kolasib te an ni a. Pakhatnain Rs. 6,000 leh pahnihnain Rs. 5,000, pathumnain Rs. 4,000 bakah certificate an dawng tel theuh a. Inelnaa tel zawng zawngin participation prize Rs 1,000 leh certificate an dawng theuh bawk.