BJP chuan nimin khan Lok Sabha inthlanpui lo awm tura Gujarat-a an candidate tur hming 4 an puang leh ta a, bial 4-a ding an puan zingah hian bial thum vawngtu MP ni lai an tel lo.
Kheralu assembly bialtu MLA Bharatsinh Dabhi chu Patan-ah, district panchayat member-a term hnuhnung pangaa lo ni tawh, Geeta Rathwa chu Chhota Udepur (ST) leh district-level-a an sumvawngtu, Mitesh Patel chu Anand bialah te an ding dawn.
Heng mi 3-te hian MP ni lai 3 – Liladhar Vaghela (Patan), Ramsinh Rathwa (Chhota Udepur (ST)) leh Dilip Patel (Anand) te an thlak dawn a ni.
An zinga mi, Vaghela hi a hriselna dinhmun a hniam em avangin inthlanpui lo awm tura din leh a zuam loh avangin a pha a ni.
Hetih lai hian Junagadh bial vawng mektu, Rajesh Chudasama chu a bial ngaia ding tura tih leh a ni.
Rorel lai party hian Gajuarat-a bial 26 awma bial 23-a ding turte an puang ta a. Mehsana, Surat leh Ahmedabad (East) biala ding turte chauh an la puang lo va. Ahmedabad (East) hi lemchang thiam, politics khel zui ta, Paresh Rawal-a bial a ni a; mahse, tun tumah hian chuh a tum tawh lo.
Tuna bial 23-a ding tur an puan tawh chinah hian MP ni lai 8 an chuh nawntir tawh dawn lo a ni.
Nimina puan taka 3 an hnawl leh bakah hian an party puipa zinga mi, LK Advani (Gandhinagar), Haribhai Chaudhary (Banaskantha), Vitthal Radadiya (Probandar), Devjibhai Fatepura (Surendranagar) leh Prabhatsinh Chauhan (Panchmahal) te an din nawntir lo.
Candidate 23 zinga 4 hi hmeichhia Geeta Rathwa (Chhota Udepur (ST)), Ranjanben Bhatt (Vadodara), Punamben Madam (Jamnagar) leh Bhartiben Siyal (Bhavnagar) an ni.