Aizawl : Mizoramin tun thla chawhnu lama Khelo India University 2024 a thlen dan tur relin nimin zingkar khan Sports Minister Lalnghinglova Hmar hovin an thukhawm.
Secretariat Conference Hall, MINECO-a thutkhawmah hian Sports Minister Lalnghinglova Hmar chuan National Level Sports promotion program pawimawh tak, Khelo India University 2024 Mizoramin a thlen tur chungchang te a sawi a. He event lian tham tak leh hautak angreng si hi, a huphurh ang zawnga la lo vin, chona anga hmachhawn turin department hotute a fuih a. Tun tuma Khelo India University Football hi Mizoramin sports event liantham zawk a dawn leh hun atana inpuahchahna tha tak a nih thu a sawi bawk.
Mizoram chuan Football Segment bikah University hrang hrang football team pariat te chu February 19-29, 2024 chhungin a mikhual dawn a. Inkhelhna, thlenna tur leh a kaihhnawih dang te lo buatsaih leh a bak mawhphurhna dang te chu sports department leh department dang ten an insem dawn a ni.