Aizawl: Mizo Students’ Union, Gen. Hqrs, Aizawl Executive Committee Meeting nimina neih chuan Inner Line Regulation dan anga hnam dang permit neih tul, la nei lote chu February 10, 2024 ral hmaa tifel turin a hriattir.
MSU chuan hun tiam hnu lama danin a phut anga permit la fel lote chungah khauh takin hma a la dawn niin an sawi.
January 31, 2024-a home minister-a lo thlen tawh angin, MSU chuan Inner Line Permit, Bengal Eastern Frontier Regulation 1873-in a phut angin Meitei te pawh general category an nih ang ngeiin, ILP nei tur an nih thu an thuchhuahah tar langin, Meitei dan lova khawsa zawng zawngte pawh February 10, 2024 ral hmaa permit tifel turin an chah nghal bawk.