Aizawl: Sports Minister Lalnghinglova Hmar chuan nimin zing khan Chite veng Sports Complex a tlawh.
Chite venga sports complex a tlawhnaah hian Sports Minister Lalnghinglova chuan contractor-te nen hma lak mek leh hma lak zel dan turte a sawi pui.
Sports complex a tlawh zawh hian Chite Veng Urban Primary School kalpui dan turte en nghal.
He hunah hian tuna Chite Veng Urban Primary School ten an luah mek building hi vantlang ram a awm niin, Health & Wellness Centre sakna tur hmun atana ruahman a nih tak avangin thiah a tul dawn a, a bul maiah hian school ram hmun awl awmin school building thar sakna tur pawh PMJVK project hnuaiah dil a nih avang hian, school thar sak zawh hma chu school luh nan sport building hi hman lailawk a tul dawn a; Sport Department building, Chite Veng rama sak chu school atana luah hawh an mamawh thu Sport Minister hi an lo sawipui a ni.
Hemi chungchangah hian sport minister chuan dilnate theh luh a nih veleh tihhlawhtlin dan kawng a lo zawnpui tur thu khawtlang hruaitute a hrilh a ni.