Kolasib District Co-ordination Committee on National Deworming Day chu Kolasib Senior Chief Medical Officer Dr RK Lalthlamuana hovin a office-ah nimin khan an ṭhukhawm a. National Deworming Day (NDD) First Round 2024 kal- pui dan tur an sawiho.
Kolasib Sr CMO Dr RK Lalthlamuana chu- an rulhut vangin pumna leh thihna hial te pawh a thlen theih avangin rulhut hlo ei chu a pawimawh hle tih a sawi a. Rulhut vanga hrisellohna chi hrang hrang ven nana rulhut hlo ineitir nan te, kut silfai leh chaw ṭha pawim- awhna inzirtir nan te NDD chu hman ṭhin a nih thu sawiin, NDD hlawhtlin nana theihtawpa thawhpuitu Education department leh ICDS te chungah law- mthu a sawi.
National Deworming Day hi kumtin vawihnih, February thla leh August thlaah te hman ṭhin a ni a. Kumin National Deworming Day First Round chu February ni 9 aṭanga hman ṭan tura ruahman a ni. Naupang kum 1 aṭanga kum 19 inkarte chu rulhut hlo (Tab. Albendazole) eitir vek tur a ni a. Naupang kum 2 hnuailam te chu mum chanvea eitir ṭhin niin, kum 2 chunglam te chu mum khat pek ṭhin an ni.
Rulhut hlo chu zirna in leh anganwadi centre-ah te pek leh tura ruahman niin, chumia hmaih palh te chu an in-a kalchilha pek leh tura ruahman a ni bawk.
Kumin NDD First Round-a rulhut hlo pek tur atan Kolasib District chhungah kum 1 leh kum 19 inkar target 29931 an awm a. NDD First Round bulṭanna leh hawnna hun February ni 9, 2024-ah District Hospital Kolasib OPD-ah hman tum a ni. Hemi ni hian District chhunga school, college leh anganwadi centre-ah te rulhut hlo inpek a nih dawn bakah, sikul kallote chu ASHA ten an ina-h kalchilhin an pe ang a. Target zinga tel, hemi nia pek hman loh te tan February ni 16-ah Mop Up buatsaih a ni leh ang.
August 2023 round-ah Kolasib District chh- unga target mi 33249 aṭangin mi 32557 chu rulhut hlo pek niin, hei hi 97.92% a ni a. Mizoram (93.1%) chu India ram pumah pakhatna a ni.