National Investigation Agency (NIA) National Socialist Council of Nagaland (NSCN-IM) hel pawl pawla mi nia hriat mi pahnih chu suma hel pui thina puhin thubuai an siamsak.
Heng mi pahnihte hi Luckin Mashangva, Wanking Lowang tia an koh, Nagaland-a mi leh Jaikishan Sharma, Jackson tia an koh, Arunachal Pradesh-a mite an ni.
Indian Penal Code-a Section 120B leh 384 leh UA (P) Act-a Section 17 hnuaiah NIA Case No. RC-10/2019/NIA-GUW I hnuaiah thubuai ziak lutin Nagaland, Dimapur-a pawisa man thubuai a ni.
NIA thubuai chhui hi August 20, 2019-a Dimapur Police Special Operation Team-in NSCN(IM) member pahnih, Luckin Mashangva leh Jaikishan Sharma te hnen atanga Rs 10,46,100 an man a ni.
NIA-in an chhuinaah chuan NSCN(IM)-a major-a an vuah, Luckin Mashangva leh Jaikishan Sharma hi Tirap district, Arunachal Pradesh-a contractor an ni a. An pahnih hian sumdawng lian tak tak chu vauin pawisa an chhuhsak lui a, heng sumte hi NSCN(IM) chet velna atan an hmang thin.
“Kan puih pakhat zawk, Jaikishan Sharma hian sorkarin tender a chhuahte chu vau chung leh tihthaih chungin a chhang a, sum a dawnte chu NSCN(IM) hnenah a hlan zui leh a. NSCN(IM) helho sum hmuhna pakhat a ni a. Luckin Mashangva leh Jaikishan Sharma hi Case No. RC-03/2019/NIA-GUW (MLA Khonsa thahna) nen thubuai siamsak an ni,” tiin thuchhuah an siam.