Congress-in jail tangin pawn lama nula an rim thin ngai thu tak

Aizawl: Mizoram budget session neih meka Home Minister K Sapdanga’n jail tangte zana nula rima an chhuah thin thu a sawi chu an ngaih thutak hle thu Mizoram Pradesh Congress Committee (MPCC) chuan an sawi.

Nimina thuchhuah an siamah MPCC chuan, February 26, 2023-a home minister-in Champhai jail chhiat dan chungchang a sawinaah, a bang atan rangva tun hmangin jail tangte zana nula rima an chhuah thin thu leh zan reia jail-a an rawn hawn leh mai thin thu a sawi chu an ngaih thutak hle thu tar langin, “Dan leh thupek kengkawh ber tura ngaih home minister-in jail tang mek, leng chhuak thinte thil tihdan pawmpui ang zawnga tawngkam a nei hi rorelna laltiang lek tura quality a neih lohzia a tar lang chiang hle niin kan ngai,” an ti.

Dan bawhchhiat avanga jail tangten zana zalen taka nula an rim tih hre reng chunga hetiang tawngkam chhak chhuaktu home minister-in a hna a tlin lohzia leh a hlen lohzia a tar lang chiang hle tih sawiin MPCC chuan, “Jail tang mekte mipui zinga zalen taka an leng thei hi mipui tan a him lo a ni tih hre chunga haidertu Home Minister Pu K. Sapdanga hian vanduaina thleng palh ta se, mawhphurhna ala ngam dawn lo tih a chiangin kan hria a ni,” an ti bawk.

Leave a Reply

error: Content is protected !!