Premier League sum hman dan (financial rules) an palzut avanga point 10 paihsak Everton chuan an chunga hremna an khinlet hnuah hremna hi point ruka tihhniamsak an ni.
Goodison Park club hi tun season Premier League-ah game riat chiah an la chak a, khelmual pawn lama an buaina chu khelmual chhungah an tuar a tih theih a, point paihsak an nih laiin point hmuh an harsat ngawih ngawih a, chutiang boruakah chu-an lawmna chhete an nei a, hremna an khinlet thlawhtlin tak avangin table-ah 17-na thawhsanin 15-na an luah chho ve ta.
English Premier Lea-gue-a sum hman dan peng pakhat profit and sustainability rules (PSR) an tih chu an baw-hchhiat avangin nikum November thla khan point 10 paihsak niin, kha hremna kha Premier League history-a point paihsak kawnga hremna na ber la niin, point paihsak an nih hnuah 14-na atangin 19-naah an tlahniam nghal vawng vawng a ni!