Rampum huap inelnaa lawmman la te lawmpuina neih rualin computer semchhuak bawk

School Education Minister Dr. Vanlalthlana’n rampum huapa lawmman la te lawmpuina leh Smart City hmalaknaa Prim- ary School 121 te hn- ena computer set sem na hun Govt. Mizo High School tuala buatsaih chu a hmanpui.

Education Minister chuan Red Ribbon National Quiz Comp- etition-a lawmman la tu PES Republic naupangte leh zirtirtute, National School Band Competition-a lawmman pathumna dawng tu Govt. Mizo High School te chu an tha- whrimna chhuanawm a tih thu leh a lawmpui thu a sawi a. Sm- art City hmalaknaa Primary School 121 ten Computer set an dawng pawh lawma- wm a tih thu a sawi.

Zirlai kalkhawmte chu lehkha ziak tam turin Minister chuan a chah a. Lehkha ziah tam chu chhiar ngawt ai chuan thluaka inkh- awl chin a tam a, mamawh hunah a lo chh- uak thin tih a sawi.

Education Minister chuan “mihlawhtling te chu an hlawhtlin hnuah nawm hmel deuhin kan hmu a, an thawhrimna kan hmuh hmaih thin” tiin, phur thuta mi hlawhtling nih tum ngawt chi a nih loh thu leh a kalkawng, tumruhna leh thawhrim peihna lai chu a pawimawh lai a nih thu a sawi.

Zirlaite chu an nunkawng zawh mek ah risk la ngam tur leh huaisen taka kal ngam turin Minister chuan a chah a. “Khawvel hi- an mi dawihzep an hre reng lo, huaisen te erawh chu an hre reng thin a ni” a ti a. Hnathawh duh zawng thlan thuah pawh huaisen taka ngaihtuahna hmanga sang deuh hlek nih tum turin a chah.

He hun hmanpuitu dang Commissioner & Secretary, School Education Lalzarma- wii pawhin Red Ribbon National Quiz Competition-a lawmman pakhatna latu PES Republic leh National Band Competition-a lawmman path- umna dawngtu Govt Mizo High School band-te thawhrimna chhuanawm a tih thu a sawi a. Samagra Shiksha kaihhruainain a phak loh Primary sch- ool 121 ten Smart City hmalaknaa computer set an dawng pawh a lawmpui thu a sawi.

Zirna huam chin a zau tawlh tawlh nia sawiin Lalzarmawii chuan “classroom pindan pakhata inkhung mai a tawk tawh lova, NEP 2020 hian hua- mzau zawka ramchhunga zirna kalpui a tum a, chumi tur chu- an ngaihtuahna pawh hman thiam a tul” a ti a. An hun hman chu- an zirlaite chu ngaihtuahna thar neih tir se a duh thu sawiin, ram zirnaah hmasawn tirtu leh tanlakna thar petu a nih ngei a beisei thu a sawi bawk.

Red Ribbon National Quiz Competition January 12, 20- 24, Jaipur Rajasthan-a tel Presbyterian En- glish School Republic Veng zirlai pahnih Zonunsangi, Class VIII leh Janet Malsawmpuii, Clas IX ten lawmman pakhatna an dawng ve ve a; State level, Regional level leh National level-ah lawmman pakhatna an dawng vek a ni.

National School Ba- nd Competition Janu- ary 22, 2024-a Major Dhyanchand National Stadium New Delhi-a neihah Govt Mizo HS Pipe Band Boys pathum na an ni a, Zonal Band competition Bhubanes- war-a neihah pakhatna an lo ni tawh bawk.

Leave a Reply

error: Content is protected !!