Seminar on Renewable Energy – Zirlai ten Solar Park tlawh

Aizawl : Zoram Energy Development Agency (ZE- DA) leh Sawrkar laipuia Ministry of New & Renewable Energy, tangkawpin nimin khan Govt. Khaw- zawl College-a zirlaite tan Govt. Khawzawl College Multipurpose Hall-ah Seminar on Renewable Energy an buatsaih a, Mizorama Solar Park lian ber Vankal Solar Park an tlawhpui bawk.

Renewable Energy pawimawh zia leh a hmanna hrang hrang zirhonaah hian Project Director, ZEDA Er. Malsawmdawngliana’n seminar buatsaih chhan te a sawi a. Director, ZEDA Er. Ngursailova Sailo leh Asst. Professor, HOD, Economics Department, GKC H. Vanlal- hruaia ten thu an sawi bawk.

Subject thlan bik hmangin Er. Maria Goretti Malsawmdawngkimi, Er. Van- lalchuanga, Er. Mary Lalngaihzuali, Er. Benjamin Vanlallawmkima leh Er. Thantluanga ten College zirlai te zirtirna an pe a, zawh- na leh chhanna leh sawihona hun an hmang bawk a ni.

ZEDA hotute leh mithiamte kaihhruainain Vankal Solar Park, Power MW 20 pechhuak thei chu an tlawh a, Govt. Khawzawl College zirlai 70 leh GKC Teaching & Non-Teaching Staff 12 an tel a ni.

Leave a Reply

error: Content is protected !!