Football Titi

  • Liverpool chuan an manager thar ni tura an duh ber Bayer Leverkusen boss Xabi Alonso biak phal an dilna an thehlut. (Bild – in German)
  • Tottenham chuan nipui bazar inhawn chhungin wide forward lak ngei an tum dawn a. Lak tur an duh zual zingah Wolves & Portugal winger Pedro Neto leh Crystal Palace & England winger Eberechi Eze te an tel. (Independent)
  • Manchester United chuan May thla tawp hunah Getafe-ah loan a khel mek English forward Mason Greenwood a hma lam hun tur chungchangah thutlukna an siam dawn. (Sun)
  • Arsenal, Manchester United leh Chelsea te chuan Ajax atangin German goalkeeper Diant Ramaj lak tumin an ngaihven hlawm. (Bild)
  • Dele Alli chuan kumin kum tawp hnu hian Everton-ah intuai thar lehna hun a nei thei dawn a. Toffees chuan kum 27 mi England midfielder hlui hi contract thar an zawrh. (Express, via Athletic)
  • South Korea forward Son Heung-min chu a Tottenham ah a la hlim tawk viau rih a, contract thar chungchangah mumal takin an indawr thuai tura ngaih a ni. (Football Insider)
  • Barcelona president Joan Laporta chuan an manger Xavi chu an hnenah a cham chhunzawm duh a nih chuan lawm takin a pawm thei. Xavi hian season tawp hunah Barcelona a chhuahsan tur thu a lo sawi tawh a, a thutlukna hi sut leh thei dinhmunah a ding. (Sport – in Spanish)
  • Liverpool chuan Brentford leh Cameroon winger Bryan Mbeumo chu man tlawm zawkin lak luh an tum a. Brenford hi championship-ah an tlahniam a nih chuan Mbeumo hi man tlawm zawkin lak theih ngei an inbeisei. (Express)
  • Barcelona nena sawizawm Portugal forward Rafael Leao chuan AC Milan a chhuahsan dawn loh thu a sawi. (Sport – in Spanish)
  • Italy midfielder Jorginho chuan season tawp rualin Arsenal-a a contract a hmang zo dawn a. Kum 32 mi hi Serie A lamah a kir leh ang. (Goal)
  • Saudi Pro League chuan nipui bazar inhawn hunah Premier League star eng emawzat lak an tum a. Kum la naupang deuh lak an tum zingah kum 20 mi Argentine forward Matias Soule, Juventus atanga Frosinone-ah loan a khel mek a tel. (ESPN)
  • Michael Edwards chuan Liverpool sporting director a chelh nawn leh a nih chuan bazarna lamah thuneihna pumhlum neih a duh a. Hei vang hian Reds hian Bournemouth technical director Richard Hughes an rawih zawk a rinawm. (Mirror)

Leave a Reply

error: Content is protected !!