Jersey hralh hnem ber Barcelona

UEFA’s European Club Finance and Investment Landscape-in kum 2023 financial year chhunga jersey hralh hnem club list a tichhuak a, top 10-ah adidas leh Nike te chu 5 ve ve an lang.

Top 10-ah hian English club 5 an lang a, Spanish club 2 an tel a, Serie A club 1, Ligue 1 club 1 leh Bundesliga club 1 an lang bawk.

English club Tottenham chu top 10-ah an lang chiah chiah a, anni thuamhnaw hi Nike siam niin, 2023 financial year chhung khan jersey hralhna atangin Spurs hian £63m an la lut.

Juventus chu 9-naah an awm a, anni thuamhnaw hi adidas siam niin, kum khat chhungin £63m jersey hralhna atangin an la lut.

Chelsea (Nike) chu 8-na an ni a, kum khat chhungin £74m an la lut a, English club tho Arsenal (adidas) chu 7-naah an awm a, kum khat chhungin anni hian £76m an la lut.

Ligue 1 club PSG (Nike) chuan 6-na an hauh a, kum khat chhungin PSG hian jersey hralhna atangin £83m an la lut.

English club lian Liverpool leh Man United te chu top 5-ah an lang. Man United (Nike) chuan kum khat chhungin jersey hralhna atangin £111m an la lut a, an chung chiahah Liverpool (Nike) an awm a, anni hian £113m an la lut.

Bundesliga club Bayern Munich (adidas) chu 3-na an ni a, kum khat chhungin £126m an la lut a, Real Madrid (adidas) chu pahnihna niin, kum khat chhungin £132m an la lut.

Jersey hralh hnem ber chu Catalan Club lian. La Liga champion lai mek; Barcelona an ni a, anni thuam hi Nike siam niin, kum khat chhungin jersey hralhna atangin Barca hian £153m an la lut a ni.

Sports thuamhnaw zawrh chhuah chungchangah hian Leeds United chu bul tantu an ni a, kum 1973 atang daih tawh khan fans hnena lei theih turin jersey an lo hralh chhuak tawh, anni hi top 16-ah an la lang tho a ni.

  1. Barcelona (Nike) – €179m
  2. Real Madrid (Adidas) – €155m
  3. Bayern Munich (Adidas) – €147m
  4. Liverpool (Nike) – €132m
  5. Manchester United (Adidas) – €130m
  6. Paris Saint-Germain (Nike) – €97m
  7. Arsenal (Adidas) – €89m
  8. Chelsea (Nike) – €87m
  9. Juventus (Adidas) – €74m
  10. Tottenham (Nike) – €74m
  11. Manchester City (Puma) – €73m
  12. Borussia Dortmund (Puma) – €54m
  13. AC Milan (Puma) – €47m
  14. Ajax (Adidas) – €41m
  15. Galatasaray (Nike) – €35m
  16. Leeds United (Adidas) – €35m
  17. Celtic (Adidas) – €34m
  18. Fenerbahçe (Puma) – €31m
  19. Eintracht Frankfurt (Nike) – €26m
  20. Inter Milan (Nike) – €26m

Leave a Reply

error: Content is protected !!