North Vanlaiphai tleirawl TC Malsawmkimi chuan Guwahati khawpuia khelh zawh tak Khelo India REC Eastern Open Talent Hunt Sub Junior and Junior kg 48 huang Junior Girl inelnaah gold medal a hnekchhuak.
SAI zirlai Kimi bakah hian Siaha rawlthar L Joseph Buihringpachha (KISCE SYS) pawhin Junior Boy kg 57 huangah gold a awrh ve bawk.
Mizo naupang pahnihte hi Khelo India REC National championship khel tura thlan fel nghal niin, he inelna lo awm leh tura tithate hian scholarship an dawng dawn a, chu mai ni loin national coaching camp-ah an inchiah ang a, international thlenga tournament hmachhawn theihna hun remchang an nei thei dawn a ni.
Guwahati competition-a Mizo boxer-te kaihruaitu coach hi KISCE SYS head coach R. Lalchhuanawma (Sete) a ni.