Barcelona chuan an hnen atanga chhuak tur Xavi hmunruak luahtu atan Sporting Lisbon boss Ruben Amorim an duh. Bayer Leverkusen-ah Xabi Alonso a cham chhunzawm dawn vangin Liverpool leh Bayern Munich te pawhin Amorim hi an manager thar tura an duh zingah an telh bawk. (Independent)
Hetihlai hian Barcelona board te chuan an manager rawih mek Xavi hi a rilru thlak turin an duh a, Nou Camp-ah cham chhunzawm hram turin an nawr. (Athletic – subscription required)
Barcelona hian Xavi hi hmin tumin tan an khawh mek a, Xavi hmin an tumna kawngah Manchester City leh Norway striker Erling Haaland chu kum 2025-ah lak an tum dawn. (Mundo Deportivo – in Spanish)
Sum leh pai khuahkhirhna dan an bawhchhiat loh nan Chelsea chuan an star player hralhchhuah ngei an ngai dawn mah se England defender Reece James chuan Stamford Bridge-ah cham chhunzawm a duh. (HITC)
Arsenal chuan Germany midfielder Joshua Kimmich chungchangah Bayern Munich an dawr a. German club lian hian nipui bazar inhawn hma chuan Kimmich hma lam hun tur tihcian an tum loh thu Gunners hi an lo hrilh. (Football Transfers)
Arsenal hian Bayern Munich nena sawi zawm Real Sociedad midfielder Martin Zubimendi lak tuma intlansiaknaah hma an hruai mek. (Caught Offside)
Manchester City leh Liverpool te chuan Bayer Leverkusen leh Germany midfielder Florian Wirtz lak tumin an ngaihven. (HITC)
Real Madrid chuan Chelsea atanga an hawh mek Spain goalkeeper Kepa Arrizabalaga chu a nghetin lak tir an tum lo. Kum 29 mi hi June thla khian a club pangngai Chelsea hnenah thawn kir leh an tum. (Fabrizio Romano)
Manchester United chuan Ipswich manager Kieran McKenna chu an manager thar atan an duh. Kum 37 mi Northern Irishman hian Jose Mourinho leh Ole Gunnar Solskjaer te assistant niin United-ah hna a lo thawk reng tawh. (Football Insider)
Real Madrid chuan nipui bazar inhawn hunah Lille centre-back Leny Yoro lak an duh. Yoro hian chona thar hmachhawn a duh thu a sawi tawh a. EPL club lian Manchester United, Liverpool leh Chelsea te nen sawi zawm an ni bawk. (Athletic – subscription needed)
Tottenham chuan sum tuak an mamawh a, Brazil defender Emerson Royal hralh ngei an mamawh dawn. (Football Insider)
Leeds United leh England Under-21 midfielder and right-back Archie Gray chu Real Madrid leh Bayern Munich te bakah Premier League club ten an thlithlai hlawm. (HITC)
Barcelona & Spain left-back Marcos Alonso chu Atletico Madrid nen nipui bazar inhawn hunah free transfer-a inlak luh tumin an indawr. (Cadena Ser – in Spanish)