Kum 50 liam ta nimin piah angah khan ABBA-in ‘Waterloo’ hla hmangin hla intihsiakna liantham ah pakhatna an la a nih kha.
Eurovision Song Contest-ah Swedish quartet te hian an hla thu zinga, ‘My my at Waterloo, Napolean did surrender, and I have met my destiny in quite similar way’ tiin bul an tan a, 1974 a intihsiaknaah an champion.
He hla bawk hi nimin piah inrinni khan London-a Waterloo railway station-ah a richhuak nawn leh. 1815 kuma French hotupa tlawmna behchhana siam hla a ni bawk a, English mipui lawm a hlawh pawh hi thil mak a ni lo.
Kum 1974 a English vaukam pakhatah Brighton khuaah zai intihsiakna hi neih a ni a, nimin piah khan fan thahnem takte chuan ABBA disco hla nen hriatrengna hun urhsun an hmang.
Eurovision khan ABBA hi rimawi khawvela sang zawk a invawrh turin a vawrh chho chiang hle a, India hmarchhak a awm te thleng pawh hian kan hre bel em em mai.