Russia ramchhunga mahni a ro inrelna Chechnya biala chengte’n music rang lutuk emaw muang lutuk emaw an play thei tawh dawn lo.
Minister of Culture Musa Dadayev chuan, “Thutlukna tawp ber ka puang dawn a, Chechen Republic hotupa Razan Akhamatovich Kadyrov remtihna angin tun atang chuan music, vocal leh lam lam thil reng rengah minute khata tempo beat 80-116 a ni ngei ngei tur a ni,” a ti.
A sawi zel danin, heti anga thlutlukna siam anih chhan chu, Chenchen ngaihtuahna leh musical rythm hi inrem taka a awm theih nan a ni a, mipuite leh chhuan lo la awm tur zel te’n cultural hlutna an hriat an duh vang a ni.
Minute khata tempo beat 80-116 hi a muan angreng viau mai a, tunlaia pop music ang lo takin an her danglam dawn tihna niin, mipui leh vantlang punkhawmna reng rengah western lam hawi music kaihhnawih reng reng thlengin khap a ni nghal bawk ang.