Europe khawmuala football thuneitu sang ber UEFA chuan Euro 2024-ah squad tihpun an pawm a, squad tinah player 26 an awm thei dawn.
Euro leh inelna lian dangah pawh squad khatah player 23 an awm thin a, hliam in player te a tihbuai nasat thin vangin squad tihpun duhna lian tak a awm. Covid 19 hripui len lai Euro 2020-ah khan squad hi 23 atangin 26-ah tihpun a ni a. Nipui laia khelh a nih vangin World Cup 2022-ah khan squad tihpun a lo ni tawh bawk. Hetihlai hian nidanga squad-ah 23 awm ang kha hmang chhunzawm leh tumna a awm a, he ruahmanna hian sawisel a hlawh a, UEFA in rawtna thahnem tak a dawng. UEFA in rawtna hrang hrang an ngaihtuah ho hnuin squad0a 26 awm hi an pawm ta a, an thutlukna hi tunkar tawp lamah chiang zawkin a puangzar tura ngaih a ni.
Netherlands manager Ronaldo Koeman chuan UEFA in squad-a awm thei a titlem thar leh hi thutlukna awm ang lo tak a nih thu a sawi a, ani hi squad-ah player 26 awm duhtu langsang tak a ni. Hetihlai hian England manager Gareth Southgate chuan squad tihpun hi hautak lutukin a hria a, a thlawp lo thin thung. Hliamin a tihbuai thin dan a ngaihtuahin Southgate ngei pawh hian a rilruk a thlak a, squad tihlen hi a thlawp ve ta viau bawk.
Europe khawmuala ram hrang hrangte football hmanga an inelna lian ber Euro 2024 hi Germany-a neih tur a ni a, June ni 14-ah khelh tan a ni ang a, July 14-ah final khelh a ni ang.