Green Day band zaipu Billie Joe Armsrong chuan show a neihnaah ‘Mimawl’ tih inziak awmna Donald Trump-a mask a keng vu vu mai.
‘Saviours’ tour kalpui mekah Billie hian Washington, DC-a show neiin, Nationals Park stadium-a mipui pungkhawm hmaah Trump-a tihelna leh diriamna langsar tak a kalpui.
A hmuna awm te sawi danin, he mask hi tlar hma lama awm fan pakhatin stage-ah a theh chhova, Billie-a’n mipui hmuh theih turin a keng kang vu vu ta mai a ni.
Billie hian ‘American Idiot’ hla sa in, hla thu a tidanglam zui bawk a, “I’m not a part of redneck agend” tih turah, “I’m not a part of the MAGA (Make America Great Again) agenda’ tiin ring em em maiin, a sachhuak.