Manchester City striker Erling Haaland chuan City player hlawh hnem ber ni turin contract thar a ziak fel thei tep tawh. (Marca – in Spanish)
Haaland hian contract thar a ziak a nih chuan a lakchhuah theihna zat tur tam tham tak an dah tel tura ngaih a ni. Real Madrid chuan Haaland hi lak an la tum ngei tura ngaih a ni a, City atanga lakchhuah erawh a awlai dawn lo thung. (Mail)
Real Madrid hian kum 23 mi Arsenal leh France central defender William Saliba lak an tum dawn. (Fichajes – in Spanish)
Nottingham Forest leh Sweden forward Anthony Elanga an la thei lo cheu a nih chuan Newcastle United manager Eddie Howe chuan Manchester United leh Brazil winger Antony lak a tum tawh dawn. (Caught Offside)
Newcastle chuan Crystal Palace defender Marc Guehi chu January thlaah man tlawm zawkin lak an tum dawn. Kum 25 mi hian thla 18 daih chauh contract a nei tawh dawn naa Eagles hi Guehi man an chhiarna zatah an la ding nghet viau thung. (Football Insider)
Manchester United in an hmuh taih Bayern Munich forward Jamal Musiala chuan Premier League a pan lo vang tih a sawi thei bik lo. Kum 21 mi hian German club-ah June 2026 thleng contract a la nei. (Welt Am Sonntag, via Goal)
Kum 2025 a contract hmang zo tur Germany defender Jonathan Tah chuan Bayer Leverkusen-ah contract pawhsei a tum tawh loh thu a sawi. Tah ngaihven zingah Bayern Munich pawh an tel ngei tih nemngheh a ni. (90 Min)
Leverkusen hian man leh mual tel lova Tah hi chhuahtir ngawt an tum bik hauh lo a, Thlasik bazar inhawn hunah hralhchhuah ngei an tum dawn. (Fichajes – in Spanish)
Juventus a chhuahsan hnuah club zawm nei lovin awm mek mah se France midfielder Adrien Rabiot chuan Turkey pan tumna a nei chuang lo. (Fabrizio Romano)
Corinthians chuan club nei lova awm mek Netherlands forward Memphis Depay an la lut fel thei tep tawh. (Globo – in Portuguese)
Liverpool chuan kum 33 mi Netherlands defender Virgil van Dijk chu Anfield a cham chhunzawm zel thei turin contract thar ziahpui ngei an tum. (Football Insider)
Stockport County assistant manager Andy Mangan chuan Real Madrid-ah Carlo Ancelotti coaching staff member thar a ni dawn. (Athletic – subscription required)
Barcelona chuan Athletic Bilbao leh Spain forward Nico Williams an ngaihven thar leh dawn. (Sport – in Spanish)
Fenerbahce manager Jose Mourinho chuan January thlaah Argentine midfielder Cristian Medina chu Boca Juniors atangin a la lut thei dawn. (Fabrizio Romano)
Manchester United chuan midfielders Casemiro leh Christian Eriksen te hmunruak luahtu tur an duh. (Givemesport)
Nigeria leh Southampton striker Paul Onuachu chuan Turkish club Goztepe pan a duh lo. (Sabah – in Turkish)
Barcelona atanga an captain hlui Ilkay Gundogan a kir leh vangin Croatia midfielder Mateo Kovacic chuan Manchester City-a a hma lam hun tur ngaihtuah that a tum. (Football Insider)