Tun dinhmuna rimawi khawvela band ropui ber zinga chhiar tel an ni lo chung pawhin Coldplay chuan India ramah an theuneu lohzia an lantir.
Mumbai-a concert an neih turah minute 30 chhung lekin ticket nuai 1.5 an hralh hman a, fan vaibelchhe 1.3 in ticket chan ngei tumin an bawh nasa hle bawk.
Bookmyshow website-in ticket lei tum leh chan ngei tum te a dawngsawng thei ta lo hial a, minute 30 chhung leka hralh zawh a nih vangin mi tam tak beidawngin an hawi hai.
Ticket man pangngai hi 2500 vel ni mah se, chang lo a nuai tel an la awm vangin Viagoo website lamah chuan ticket resale hi nuai 3 te hial a kai niin, an sawi.
Kum thar 2025, January 19-21 hian DY Patil Stadium, Mumbai-ah Coldplay an inlan ang.