Kum 50 chuang zet Indian film industry-a hnuhma lian tak nei tawh Mithun Chakroborty chu ramchhung film lama chawimawina sang leh ropui ber Dadasaheb Phalke Award dawng tura thlan a ni ta.
Union minister Ashwini Vaishnaw chuan nimin khan X kaltlangin veteran actor hnena chawimawina ropui tak hlan a nih tur thu a puang a, cinema lam thila a zinkawn chhinchhiahtlak leh Indian cinema tana a thawhhlawkna te chu hriatreng a ni tawh ang, a ti bawk.
“Minthun Da hian chhuan tam tak awm tawhte tan meichher a lo chhi tawh a, Indian cinema tan a thlawhhlawkzia hi hriatrengtlakah ngaiin Dadashaheb Phalke Selection Jury chuan legendary actor Sh. Mithun Chakraborty Ji hnenah he award hlu tak hi hlan turin thuthlukna an siam ta a ni,” tiin Ashwini hian a sawi.
Ruahman dan chuan he award hlu tak hi October 8, 2024 hian hlan a ni ang.