Aizawl: Chief Minister Lalduhoma chuan zu do dan tur hrang hrang nasa takin sorkarin a ngaihtuah mek tih a sawi.
Nilainia Khawzawl DC office-ah Ruihhlo Do chungchang sawiin Excise Minister Lalnghinglova Hmar kaihhruaina hnuaiah an thukhawm a. Thutkhawm khaikhawn nan thu sawiin chief minister chuan zu supply tihhniam a pawimawh a tih thu a sawi a, hemi kawngah hian khawtlang leh district hruaitute puih a inhuam reng thu a sawi.
Zu hralh a awlsamzia a hriat thu sawiin chief minister chuan, “Mizoramah zu a hluar em em hi pawi a. A do dan tur hrang hrang hi nasa takin sorkarin a ngaihtuah mek,” a ti a, state level task force puih dan tur te, excise & narcotics department a ngaih pawimawhzia leh recruitment an kalpui dan te a sawi a. Tlawmngai pawlte nena thawhho zel a beisei thu a sawi bawk.
Thutkhawmah hian NGO leh tlawmngai pawl hotu te, kohhran leh thalai pawl hruaitute leh home enkawltute an tel a ni.