Aston Villa chuan forward Donyell Malen chu Borussia Dortmund atangin an la lut tih an puang.
Kum 25 mi, Netherlands international hian Premier League club hi € maktaduai 23 bakah a hnu lama pek zui tur € maktduai 3-in an la lut nia sawi a ni.
An leina man leh Malen-a hian eng chen nge contract a ziah tih erawh Villa hian an puangzar rih lo thung.
Arsenal youth player thin, Malen-a hian Bundesliga season liam taah khan Dortmund tan goal 13 thunin German team hi Champions League final a thlenpui nghe nghe.
Villa Park-ah pawh a club kalsan taka chona ang chiah a hmachhawn dawn a, Unai Emery-a enkawl hi Champions League stage sang zawk thlen ngei tuma bei mek an ni.
Malen-a hi Netherlands tan pawh vawi 41 khel tawhin goal kua a thun tawh a, Euro 2024-ah pawh khan a inlan.
Villa hi Premier League-ah pariatna dinhmun hauh mektu an ni a, kar laihawla inkhelh tur an neih an khelh hma lawkin a zawm a. Tuna an dinhmunah hian Champions League khel thei tur hniam ber chu point liin an la phak lo a ni.