Singer Jessica Simpson leh Eric Johnson te chuan an inthen thu an puang.
Simpson chuan thawhtanni zan khan thuchhuah siamin, a pasal nen kum sawm chhung zet an lo inzawm tawhna chu a tawp fel ta tih sawiin, a hrana khawsak zai an rel tak thu a sawi.
An inthen thu a sawi hnu hian Simpson chuan an fate enkawl chhoh dan tur chu an thupui ber pakhat a la ni reng dawn tih sawiin, an tana tha tur ber an la ngaihtuah zui reng tur thu a sawi a, an privacy thilte chu a pasal then tak nen an la vawn zui reng tur thu a sawi.
NFL player hlui Johnson leh zaithiam Simpson te hi kum 2010 khan inngaizawng takin, kum 2014 khan Santa Barbara-ah an innei a, fa pathum Maxwell “Maxi” Drew (12), Ace Knute (11) leh Birdie Mae (5) te an nei hman a ni.
Jessica Simpson hian a hmain singer Nick Lachey nen inneiin, kum 2005 khan an lo inthen fel tawh a, anni pahnih hian MTV reality series hlawhtling tak “Newlyweds: Nick and Jessica” an chang dun tawh bawk.