Uttarakhand-a 38th National Games Uttarakhand khelh mekah Mizo infiammite chu Ningani atang hian an inlan tan.
Football (Men) leh wushu ten bul an tan a. Mizoram football team hian a thlengtu, Uttarakhand an hmachhawn a. Wushu player Nazareth Lalthazuala (Under 56kg) chuan round of 16-ah a bye hnuah quarter final a khel bawk.
National Games hi Uttarakhand district pariatah thlen darhtir a ni a. Infiamna tam zawk chu an khawpui, Dehradun-ah nghah a ni.
Mizoram qualify-na sports discipline pawh khaw paliah sem darh a ni a. Dehradun-ah hian archery, athletics, weightlifting, wushu leh judo te an khel dawn ang.
Nainital-ah cycling, football, taekwondo leh swimming te an khel ang a. Pithoragarh-ah boxing, haridwar-ah hockey leh wrestling te an khel dawn bawks.
Game khelhna hmun khuate hi inhlat tak tak niin darkar 12 tlan hiala hlate an ni a. Hei vang hian team viltu, congregation leader-te tan khaw hrang hrang vil chu hautak hle tura ngaih a ni.
National Games hi Thawhlehni atanga tan kha niin February 14, 2025 thleng awh tur a ni a. Mizoram aiawh turin sports discipline 11 an qualify a, player fehchhuakte atanga chhutin Mizoram hi medal 27 la thei dinhmunah an ding.
Mizoram inlanna tur hi athletics, archery, boxing, cycling, football (men), hockey (women), judo, taekwondo, weightlifting, wrestling leh wushu te niin wild card-in aquatics an tling bawk.
Player khel thei 66 leh team official (coach/manager) 20 leh contingent official pali nen Mizoram team hi 90 an ni.
- Mizoram khelhna hmun turte:
Dehradun – Archery, Athletics, Weightlifting, Wushu, Judo
Nainital – Cycling, Football, Taekwondo, Swimming
Haridwar – Hockey, Wrestling
Pithogarh – Boxing
Zirtawpni leh Inrinnia an khelh turte:
January 31, 2025 (Zirtawpni):
1) Swimming (Augustine Lalremruata & P Lalhlimpuia, 50mtrs Freestyle)
2) Weightlifting (Silvana -67kg) @ 10.30AM
3) Boxing Pre-quarter @ 12:00 Noon onwards
February 1, 2025 (Inrinni):
1) Weightlifting (Chhani -71kg) @ 10.30 AM
2) Weightlifting (Fela -89kg) @ 12.00 Noon
3) Boxing Quarter @ 12 PM onwards
4) Football (Vs Goa), Pool League @ 2:00 PM