Villa-in loan-in Asensio & Rashford la lut dawn

Aston Villa chuan Spain midfielder Marco Asensio chu tun season tawp thleng Paris St-Germain atangin an hawh dawn.

Hetih lai hian Manchester United forward Marcus Rashford chu Midlands club zawm turin Villa-ah hian medical a ti dawn mek bawk.

Eng ang chiahin nge player pahnihte nen hian an indawr fel tih hriat chian ni lo mah se Villa hian Thawhtanni zan dar 11:00-a January bazar hun khar a nih hma ngeiin tihfel an inring.

Villa hian Spanish full-back Andres Garcia chu Levante atang leh Netherlands forward Donyell Malen chu Borussia Dortmund atangin January hian an la lut tawh a, Colombia striker Jhon Duran chu Saudi Pro League club Al-Nassr-ah £ maktaduai 71-in an hralh tawh thung.

Kum 29 mi, Asensio hian kum 2023 nipui laia Real Madrid atanga PSG a zawm hnuah vawi 47 khelhsak tawhin goal sarih a thun tawh a, kum 2024 khan French league nomawi a lakpui.

Mallorca leh Espanyol-ah pawh lo khel tawh a ni a, Spain tan vawi 38 a khel tawh bawk.

Boss Unai Emery hian an team hian Inrinnia Wolves laka 2-0-a an chak lo hnuah ‘player thar an mamawh’ tih a lo sawi tawh a, Premier League-ah pariatna dinhmun an hauh mek.

Midlands club hi Champions League-ah erawh kalphung thara group stage-ah pariatna niin round of 16 an lut tawh bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427