A lar hma pawhin Gaga-i’n a chhungte pawisa dil ngai lo

Zaithiam lar kum 39 mi ni chho mek Lady Gaga chuan rimawi khawvela a zuan luh dawn a, sum leh paia harsatna a nei chung pawh khan chhungte pawisa a dil ngai lova, intodelh a tum hram thin tih a sawi.

“Ka thil tum leh kalna tur ka hrilh khan ka nu leh pate pawhin min dang lova, min phur pui. Keimah pawhin mahni kutkawih ngei maia khawsak ka tumnaah ka chiang bawk a, an hnen atang hian cheng khat mah ka dil lo. New York-ah In chhe te luahin ka khawsa ve naw naw a, restaurant-ah ka inhlawh a, bar-ah te ka inhlawh thin bakah hna hrang hrang ka thawk bawk,” a ti.

Heng a thil tawn hrang hrang avang hian tun dinhmun pawh a thlen theih phah nia sawiin Lady Gaga chuan, “Hna pawimawhna leh hlutna min zir tir a, midang te tibuai lova, mahni ke-a din a, din chhuah ngei tumna ang chi hi ka neih phah.

“Engemaw i duh a, neih ngei pawh i tum a, hlawhtlin i duh bawk si chuan, theih tawp chhuah la, chawl mai lovin bei tang tang la, a tawpah hlawhtlinna hi i umpha mai ang,” a ti bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427