Ram hrang hrangah ruihhlo leh a bawiha tangte an huangtau a, tithar leh khawih thar an awm reng bawk.
Kan ral hriat leh kan rama thleng tura kan ngaih ngai loh khan tunah hian ualau takin min chiah mek a, kan khawpui Aizawl khawlaiah ngei pawh ruihhlo a zalen ta hle.
Thenkhat sawi dan phei chuan ruihhlo zuartute hi man tawk awm veleh zeuh thin mah se, a ti thinte hian inpek tur leh a awmna lai an hre thei hle a, Aizawlah pawh Vanapa hall bul bawr velah hian an tei tam hle.
A chang phei chuan ke a kalte tan pawha hmuh nuam lo khawpin ruihhlo khawihtute hian chhun engah ruihhlo hmangin an inchiu ngam a, an inchiuna hmuna mu zawi ta nguai tam tak pawh an awm phah. He lai hmunah hian ruihhlo zuartute nen pawh an inpe ngam nia sawi a ni ta hial!
Heng mite hi hmuh an hrehawm hle a, zantir lamah phei chuan naupang hruai chunga ruihhlo inpe tawn leh khawihho an awm fo bawk. Heng mite hi an khawngaihthlak hle rual hian sorkar hian tih rem dan ngaihtuah rang thei se la, kan ram hmel lanna pakhat a nih miau avangin tlawmngai pawl kuta dah mai lo hian a chet chhuah lam tichak thei se a tha hle.
Mipui him nan hrim hrim pawh a him lo a, zingkar atanga zan lam thlenga ruihhlo leh a kaihhnawih huangtau ta lutuk hi vei a hun a, a tirem tura tan mar pat a hun tawh hle.