Hezbollah hruaitu pahnih tun thla 23-ah vui dawn

Hezbollah hruaitu, September thlaa Israeli indo thlawhnaten an kah hlum, Hassan Nasrallah chu February 23 hian vui a ni danw tih Iran-in a thlawp pawla an hotupa ni mek, Naim Qassem chuan Pathianni khan a sawi.

Qassem-a hian a vawi khat nan Nasrallah thah a nih khan Hashem Safieddine-a chu amah thlak tura thlan a nih thu a sawi chhuak a; mahse, ani pawh hi Israeli-ten October thla khan an that veleh.

Ani pawh hi Nasrallah vui ni vek hian an vui ve nghal dawn bawk a ni.

“Thla hnih chhung Israel nena kan indona avangin venhimna thilah vuina hi hman theih a ni lo va, November 27-ah indo a tawp tak avangin February 23 hian ropui takin, vantlang huapin vuina hun hman a ni ang,” tiin Qassem-a hian TV-a thuchah a sawinaah a puang.

Safieddine-a pawh hi ‘Secretary-General angin’ vui a ni ve dawn a, “A chhan chu His Eminence Sayyed Hashem-a hi Secretary-General atan thlan a ni a; mahse, October 3 khan a martar ve ta hlauh va, a nihna thar puan hma ni hnih khat lekah a ni,” a ti.

Nasrallah-a hi Beirut daia ram, thlawhna tumhmun thar leh hlui inkara kawngpui karah phum a ni ang a, Safieddine-a hi Lebanon chhim lama an khua, Deir Qanun-ah vui a ni ve thung ang.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427