Aizawl: Thawhtanni khan Central YMA chuan tun hnaia birth certificate lem ni ngeia hriat, Edenthar Branch YMA hruaitute nena an hmuh chhuah chu chhui chiang tur leh a siamtu zawng chhuak turin Aizawl Police Station-ah FIR an theh lut.
Edenthar Branch YMA hruaituten birth certificate lem ni ngeia an hriat chu chhui zuiin, Central YMA Kumpuan Committee nen hma an lak hnuah thuneituten a mawhphurtu zawn chhuah a, a phu ang tawka hrem a nih theihna turin Aizawl Police Station-ah hian FIR an thehlut ta a ni.
Central YMA chuan birth certificate hi khua leh tui dik takte chauhin an neih tur a nih avangin a pek chhuah kawngah hemi lam buaipuitute fimkhur turin a ngen.