Kum nga chhunga kan khawtlang hruaitu tur thlanna nei zo in, hmun tam zawkah chuan rorelna siam tur kan hre thei ta a. Party bil tana ke pen tur an ni lo tih an inhriat ngei erawh a tha awm e.
Democracy rama awm kan nih miau avangin rorelna siam thei tur sorkar a din a ngai a, kaihhruai hna erawh mitin inang tlanga neihpui tur a ni thung.
Mi thar tha tak tak an rawn chhuak a, khawtlang hmangaihtu tha tak tak kan nei hlawm fur ta bawk. Politics hri tha lo zawng zawng ning tawngkhawng tam tak tan hei hi siamthat bul tanna lo ni thei se la, thlanchhuah tharte pawhin khawtlang hmasawnna leh thatna tur ngaihtuah chungin rorel hna tan nghal mawp mawp teh se.
Hun hmasa lamah khawi lai khawtlang emaw chu an lo hnufualin, an aiawh thlante an lo thawk ho tha lo deuh pawh a ni thei e. Mahse, vawiin atang chuan thlanchhuah tharte hian inlungrualna nen, dik leh rinawm takin hnathawh kawr ha chho se la, hotu ni lovin hruaitu an nih hrereng chungin khawtlang hmasawnna hna thawk ngei thei se, chutianga kan kal chho thei a nih ngat chuan kan khawtlang nun leh khawsak phung pawh a lo nuam zual chho ngei ang.