Phoenix Suns star Kevin Durant chu NBA chanchina point 30,000 vawm lut tling thei pariatna a ni ta.
Kum 36 mi hian Nilaini tuka Memphis Grizzlies laka 119-112-a an tlawm tumin mel lung thar hi a thleng a, point 34 a thawh chhuaha free trow hmanga a point 26-na a vawm luhah a tlin chiah a ni.
All Statr-a vawi 15 lo tel tawh, Durant-a hian a vawi 1,101 nana a khelhna chiah a ni bawk a, Kareem Abdul-Jabbar-a nen hetiang zat point thun tling rang ber pathumna an ni.
Wilt Chamberlain (941) leh Michael Jordan (960) te khan point 30,000 kha anni aia tlemah an vawm lut tling a ni.
“Shotmaker tha ber pakhat chu a ni chiang a, a lamah leh amah ep zawngin zan tam ka lo inlan tawh a, engtik lai pawhin a lama tan zawk hi a tha zel a ni,” tiin Suns coach Mike Budenholzer chuan a sawi.
“A zuang a, mi chungah a vawm nghal a, a sanna leh ball a khawih thiamna hi a tha a. Ani hi ball vawm thiam ber a nih loh chuan tu nge ni bik chuang ang,” a ti bawk.
Durant-a hi Golden State Warriors nen NBA champion vawi hnih ni tawhin NBA scoring champion vawi li a ni tawh a, season 17 chhungin game tina point 20 tal nei ziah a ni.