Aizawl: Inrinni khan UD&PA Minister K. Sapdanga chuan Aizawl Smart City hnuaia project thawh lai mek hmun pariata mi a tlawh.
Minister K Sapdanga’n a tlawhte hi High Field-a Multipurpose Ground; Dawrpuia Aizawl City Centre; Zemabawk Playground; Zuangtui Indoor Stadium; Durtlang Playground; Chaltlang Multipurpose Sports Hall; Chaltlang Tourist Lodge leh Hlimen Playground te an ni a.
K Sapdanga’n a tlawhte hi Rs vbc 16.06 senga sak High Field, Zarkawta Multipurpose Ground te; Aizawl New Market, Dawrpuia City Centre, Rs vbc 40.35 senga sak turte; Rs vbc 24.94 senga sak Zemabawk Playground te; Rs vbc 14.60 senga sak Zuangtui Indoor Stadium te; Rs vbc 17.88 senga sak Durtlang Playground te; Rs vbc 13.52 senga sak Chaltlang Sports Multipurpose Hall te; Rs vbc 18.12 senga Chaltlang Tourist Lodge tihchangtlunte leh Rs vbc 6.59 senga sak Hlimen Playground te an ni.
Heng a tlawhnaah minister hian a satu contractor-te kawmin, hnathawh kal mek leh hmabak la awmte a sawipui a ni.
UD&PA minister hi Aizawl Smart City Ltd. CEO CC Lalchhuangkima, UD&PA Joint Secretary Zarzokimi bakah Aizawl Smart City Ltd. leh UD&PA Secretariat atangin official-ten an tawiawm a ni.